مدونة إخبارية متنوعة تهتم بأخر الأخبار حول العالم

 

فديو وكلمات قصيدة أنا إخوان - هشام الجخ - جديدة مايو 2013

فديو وكلمات قصيدة أنا إخوان - هشام الجخ - جديدة مايو 2013

قصيدة جديدة للشاعر الشاب المصري هشام الجخ والتي هي بعنوان أنا إخوان والتي قام بإلقائها في يوم الأربعاء الماضي 8 مايو 2013 | 8-5-2013 بمدينة عروس البحر المتوسط الإسكدنرية بحفل بمكتبة الإسكندرية
وقال ضاحكا الشاعر الموهوب هشام الجخ انه سيلقي القصيدة الجدية له انا إخوان بدون موسيقي ، حتي يسمعها البعيد علي حد تعبيرة وهي بالطبع يقصد الرئيس محمد مرسي.

فديو قصيدة أنا إخوان هشام الجخ الجديدة مايو 2013

كلمات قصيدة أنا إخوان هشام الجخ الجديدة مايو 2013

أنا إخوان وكل المسلمين إخوان
فما تصنفش إسلامي علي كيفك
حقيقتي أقوي من زيفك
وصوباعي لوحده بكفوفك
ولاتهزش قصاد خوفك
ياخوف يا جبان أنا إخوان
بطيع الله فملكوته
وبدعي يزيدني من فضله ومن قوته
وأصلي وأصوم
وأجاهد نفسي وأصبر ع البلا وأحمد وحمدي يدوم
لأنه الرازق الوهاب وهو مسبب الأسباب
فليه الفضل والمنة وليه الطاعة
فماتبصش لديني نظرة طماعة
أنا ديني لا هو سلعة ولا بضاعة
ولا ليه سوق
*****
لا أنا بايع ولا شاري
إيماني هوة راسمالي
ف إصحي وفوق
مانيش إخوان علي نهجك
فلم من الدروب همجك
كفاية شقوق
مش انت لوحدك الإخوان
أنا إخوان بحق الله وبالسنة وبالقرآن
وقت الجد أنا عثمان
وقت الحرب أنا حمزة
ووقت الفصل ببقي فاروق
*****
أنا إخوان علي الرحمة وع التقوي وحب الناس
لكن عمري ماهتأخون بأخونتك علي الصندوق
عينيكم فيها كل النور ومش شايفة
غباوة إنك تهدّد ناس ماهيش خايفة
بتهدّد ف مين يا حزين
دا أنا الآهة اللي طلقوني
وجيعة وسارحة ف الشارع
ومش ممكن هتخفوني
*****
هتسمعني وغصب عن عنيك الجوز علي دماغك هترفعني
أنا الناس اللي عاشت تحت خط الفقر
وأنا الناس اللي ماتت ملتقتش القبر
ف سيبك م اللي بيجاملك واللي بيهيص
وركزلي واسمع كلمتي كويس
أنا الثورة اللي عملت منك الريس
أنا اللي يادوب من سنتين
كنّا بنتحبس صُحبة
وكنّا بنتجلد صُحبة
وكنا فى الميدان صُحبة
*****
بتبعد ليه وتكتب ع الطريق غُربة
بتمشي ف الطريق الصعب وحدك ليه
مهمّلني
 لو صعبة عليك الشيلة حملني
تلاقيني معارضك آه لكني وراك
بقدف ف السفينة معاك
أكون ودنك.. أكون عينك
أكون قوة فدراعينك
نبني بلدنا لهوانا
مش لهواك
وخيرنا يبقي جوانا مش جواك
*****
مش انت تخدلي ف القرارات وأنا أمسح بإيدي (.....)
ماتتلككش بالناس اللي بيعارضوك
ما تتشتتش ما تتسوحش
بلدنا عايزة ريس وحش
يسمع نقده بودانه
ما يتكبّرش
يكون جبّار علي الظالمين
رحيم بينّا ينام بينّا
ويقوم بينّا
يمشي بعد ف الشارع علي الجعانين
ويفهم إن ف الشارع شباب ثايرين
ما لحقوش يبقوا كارهينك
فماتزودش نار الكُره ف قلوبهم
شباب شايف فلوس بلده مش بتخش ف جيوبهم
ما تخدعناش ببقين من بتوع حسني يا مولانا
وريمنا كلام

وصدّي من الغني قفانا
*****
ما تدبحليش حمامة يتيمة علي عينها
وتقنعني إنه ديك رومي
ما تلعبش انت ف الميّه وتمسح إيدك المبلولة ف هدومي
ومش كل أما توعد وعد تطلع بق
ماتشدش فرامل اليد وتطلب مني أنزل أزق
ولما الناس تكون ثايرة ما تخطبليش فى أتباعك
ولما تكون مع وزيرة ما تلعبليس فـ.... "دراعك"
ولا تسمعّني ولا أهلي ولا عشيرتي
وخيرنا يبقي لبلدنا قبل ما أبص علي جيرتي
بلدنا أحواض من البركة بعُمر النيل
بلد دفيانة بالقرآن.. وبالإنجيل

أقسام المدونة

إشترك/ي معنا لنرسل لك المواضيع الجديدة بالبريد

لا تنسوا تفعيل الإشتراك عن طريق الرسالة بالبريد

أرشيف المدونة الإلكترونية